18 Entaun Jeová dehan ba Moisés: “Hili Nun nia oan-mane Josué, neʼebé matenek, no tau ó-nia liman ba nia.+ 19 Tuirmai haruka nia hamriik iha amlulik Eleazar nia oin no iha povu hotu nia oin, no ó tenke fó knaar ba nia iha sira hotu nia oin+ hodi sai nuʼudar ulun-naʼin. 20 Ó tenke fahe ó-nia kbiit* balu ba nia,+ atu nuneʼe povu Izraél hotu sei rona ba nia.+

38 Nun nia oan-mane Josué, neʼebé hamriik iha ó-nia oin,+ mak sei tama ba rai neʼe.+ Ó tenke hametin nia,*+ tanba nia sei lori ema Izraél atu foti rai neʼe nuʼudar liman-rohan.”

7 Tuirmai Moisés bolu Josué no koʼalia ba nia iha povu Izraél hotu nia oin, hodi dehan: “Sai aten-brani no sai forte bá,+ tanba ó mak sei lori povu neʼe tama ba rai neʼebé Jeová jura ona ba sira-nia beiʼala atu fó ba sira, no ó sei entrega rai neʼe ba sira nuʼudar liman-rohan.+