17 Bainhira Samuel haree Saul, Jeová hatete ba nia: “Neʼe mak mane neʼebé haʼu fó-hatene ona ba ó, hodi dehan: ‘Nia mak mane neʼebé sei ukun haʼu-nia povu.’”+

24 Samuel hatete ba povu tomak: “Imi haree ona mane neʼebé Jeová hili?+ La iha ema ida hanesan nia iha povu sira-nia leet, loos ka lae?” Nuneʼe povu hotu komesa hakilar: “Viva liurai!”

12 Entaun Jessé haruka ema bolu nia no lori nia mai. Nia mak mane joven neʼebé isin kapás,* matan furak no oin bonitu.+ Jeová hatete: “Hamriik bá, fui mina* ba nia. Nia mak ida neʼebé haʼu hili!”+ 13 Entaun Samuel foti dikur neʼebé mina iha laran+ no fui mina* neʼe ba David nia ulun iha ninia maun sira-nia oin. No Jeová nia espíritu komesa fó kbiit ba David husi tempu neʼe ba oin.+ Depois neʼe, Samuel hamriik no fila ba Ramá.+