5 Maibé imi tenke oho tiha profeta neʼe ka ema neʼebé hetan mehi neʼe,+ tanba nia book imi atu kontra hasoru Jeová, imi-nia Maromak, ida neʼebé lori imi sai husi rai-Ejitu no sosa fali imi husi uma atan nian. Ema neʼe koko atu halo imi laʼo sees husi dalan neʼebé Jeová, imi-nia Maromak, haruka imi atu laʼo bá. Imi tenke hasai tiha buat neʼebé aat husi imi-nia leet.+

2 “Se karik iha imi-nia sidade sira neʼebé Jeová, imi-nia Maromak, sei fó ba imi, mak imi hetan mane ka feto ida halo buat neʼebé aat iha Jeová, imi-nia Maromak, nia haree no kontra ninia aliansa,+ 3 no ema neʼe laʼo sees hodi adora maromak sira seluk no hakruʼuk ba sira ka hakruʼuk ba loro-matan, fulan, ka tropa lalehan nian hotu,+ neʼe mak buat neʼebé haʼu la haruka imi atu halo.+ 4 Bainhira ema fó-hatene imi ka imi rona kona-ba neʼe, imi tenke buka-hatene didiʼak problema neʼe. Se imi hatene ho loloos+ katak ema halo ona buat aat neʼe iha Izraél, 5 imi tenke lori mane ka feto neʼebé halo hahalok aat neʼe bá iha sidade nia portaun, no tuirmai imi tenke tuda mate mane ka feto neʼe.+