53 Tuirmai feto ida soe tun fatuk dulas trigu nian ba Abimelec nia ulun no harahun ninia ulun-ruin.+ 54 Abimelec bolu lalais ninia atan neʼebé lori ninia armas no hatete ba nia: “Losu ó-nia surik no oho haʼu, atu nuneʼe ema labele koʼalia kona-ba haʼu, hodi dehan: ‘Feto ida mak oho nia.’” Entaun ninia atan sona borus nia, no nia mate.

4 Tuirmai Saul dehan ba ninia atan neʼebé lori ninia armas: “Losu ó-nia surik no sona borus haʼu, atu nuneʼe mane sira neʼebé la hetan sirkunsizaun*+ labele mai no sona borus haʼu no halo aat ba haʼu.” Maibé ninia atan neʼe lakohi, tanba nia taʼuk tebes. Entaun Saul losu surik no hamonu nia an ba surik neʼe nia leten.+

23 Bainhira Ahitofel haree katak sira la halo tuir ninia konsellu, nia tau sela ba kuda-burru no saʼe hodi fila ba ninia uma iha ninia sidade.+ Tuirmai nia fó matadalan ba ninia umakain,+ depois neʼe nia tara an.*+ Nuneʼe nia mate no hakoi iha ninia beiʼala sira-nia rate.