25 Liután neʼe, David ho xefe ba grupu sira neʼebé serbí iha templu, haketak Asaf, Heman no Jedutum+ nia oan-mane balu atu fó sai profesia no fó hahiʼi hodi toka arpa, instrumentu neʼebé iha talin,+ no baku simbala.+ Tuirmai neʼe mak lista naran ba mane sira-neʼe neʼebé simu knaar neʼe: 2 Husi Asaf nia oan-mane sira: Zakur, José, Netanias no Asarela. Asaf mak dirije ninia oan-mane sira-neʼe, no fó sai profesia hodi tuir liurai nia matadalan.