• 1 Reis 7:51
    Bíblia Sagrada Tradusaun Mundu Foun

    • 51 Ho ida-neʼe, Liurai Salomão remata halo serbisu hotu ba Jeová nia uma. Tuirmai Salomão hatama buat sira neʼebé ninia aman David halo santu ona,+ no nia tau osan-mutin, osan-mean no sasán sira ba osan-fatin iha Jeová nia uma.+

  • 1 Reis 15:18
    Bíblia Sagrada Tradusaun Mundu Foun

    • 18 Ho ida-neʼe, Asa foti osan-mutin no osan-mean hotu neʼebé sei iha hela iha osan-fatin iha Jeová nia uma no iha liurai nia palásiu, no entrega rikusoin sira-neʼe ba ninia atan sira. Liurai Asa haruka sira bá hasoru Tabrimon nia oan-mane Ben-Hadad, liurai husi rai-Síria,+ Hezion nia bei-oan, neʼebé hela iha Damasku, hodi dehan:

  • 2 Reis 24:12, 13
    Bíblia Sagrada Tradusaun Mundu Foun

    • 12 Liurai Joaquim husi Judá hamutuk ho ninia inan, ninia atan sira, ulun-naʼin sira,* ema-boot sira+ neʼebé serbisu iha palásiu entrega an ba liurai Babilónia.+ Ho ida-neʼe, liurai Babilónia lori nia nuʼudar dadur iha tinan ualu husi liurai Babilónia nia ukun.+ 13 Tuirmai liurai Babilónia foti rikusoin hotu husi Jeová nia uma no husi liurai nia palásiu.+ Nia baku rahun sasán osan-mean hotu neʼebé Liurai Salomão husi Izraél halo ona iha Jeová nia templu.+ Neʼe akontese hodi tuir liafuan neʼebé Jeová fó sai ona.

  • 2 Reis 25:13-15
    Bíblia Sagrada Tradusaun Mundu Foun

    • 13 No tropa Kaldeia harahun Jeová nia uma nia riin sira neʼebé halo husi riti,+ karrosa riti sira,+ no mós tanke riti neʼebé hanaran Tasi+ iha Jeová nia uma, no sira lori riti sira-neʼe ba Babilónia.+ 14 Tropa Kaldeia mós foti ahi-kadesan fatin, kanuru boot, besi atu hamate ahi, kopu no sasán seluk hotu neʼebé halo husi riti, neʼebé uza ba adorasaun iha templu. 15 Xefe guarda neʼe mós foti ahi-anar fatin no manko neʼebé halo husi osan-mean+ no osan-mutin+ neʼebé moos.