10 Ho ida-neʼe, sira halibur hamutuk iha Jeruzalein iha fulan-tolu tinan 15 husi Asa nia ukun. 11 Iha loron neʼe sira foti animál balu neʼebé sira lori husi funu, karau 700 no bibi-malae 7.000 no sira hasaʼe nuʼudar sakrifísiu ba Jeová. 12 Liután neʼe, sira halo aliansa ida atu buka Jeová, sira-nia beiʼala nia Maromak, ho sira-nia laran tomak no ho sira-nia moris tomak.+ 13 Se ema ruma lakohi buka Jeová, Izraél nia Maromak, ema neʼe tenke mate, maski nia mak labarik kiʼik ka ema boot, mane ka feto.+