14 Ami sente la diʼak se ami husik liurai lakon osan tanba ami mós simu saláriu husi palásiu,* tan neʼe ami haruka karta neʼe atu fó-hatene ba liurai kona-ba situasaun neʼe, 15 atu nuneʼe, Ita-Boot bele buka-hatene kona-ba povu sira-neʼe iha Ita-Boot nia beiʼala sira-nia livru istória.+ Husi livru sira-neʼe, Ita-Boot sei hatene katak sidade neʼe nakonu ho ema kontradór sira, neʼebé halo aat ba liurai no mós ba provínsia sira. Husi tempu uluk kedas iha sidade neʼe iha ema neʼebé kontra makaʼas ukun-naʼin sira. Tan neʼe mak ema harahun tiha sidade neʼe.+