11 Tuirmai Moisés hatete ba Jeová: “Tanbasá mak Ita fó-terus ba Ita-nia atan? Tanbasá mak Ita la kontente ho haʼu, hodi Ita tau povu hotu nia todan iha haʼu-nia leten?+

15 Se Ita halo hanesan neʼe ba haʼu, favór ida, oho kedas haʼu.+ Maibé se haʼu monu loos ba Ita-nia laran, labele husik haʼu haree tan susar sira.”

3 Rona tiha neʼe, Elias sai taʼuk, entaun nia hamriik no halai atu salva ninia moris.+ Nia toʼo iha Beer-Seba,+ iha rai-Judá,+ no nia husik hela ninia atan iha neʼebá. 4 Nia tama ba rai-fuik no nia laʼo ba loron ida, depois neʼe, nia tuur iha ai-jiesta ida nia okos, no nia husu atu mate deʼit. Nia dehan: “Oh Jeová, toʼo ona! Agora hasai deʼit haʼu-nia moris,*+ tanba haʼu la diʼak liu fali haʼu-nia beiʼala sira neʼebé mate ona.”

16 Haʼu odi haʼu-nia moris,+ haʼu lakohi moris tan.

Husik haʼu mesak bá, tanba haʼu-nia loron sira hanesan iis neʼebé ema huu sai.+

2 Entaun nia halo orasaun ba Jeová, hodi dehan: “Aii Jeová, uluk bainhira haʼu sei iha haʼu-nia rai, haʼu hatene ona ida-neʼe sei akontese. Tan neʼe mak haʼu koko halai ba Tarsis,+ tanba haʼu hatene ona katak Ita mak Maromak neʼebé laran-diʼak no laran-sadiʼa, la hirus lalais, nakonu ho domin neʼebé laran-metin,+ no lakohi fó susar.* 3 Agora oh Jeová, favór ida, hasai tiha haʼu-nia moris, tanba diʼak liu haʼu mate deʼit duké moris.”+