• Deuteronómio 4:34
    Bíblia Sagrada Tradusaun Mundu Foun

    • 34 No Maromak mós la koko atu foti nasaun ida seluk ba nia an husi nasaun seluk nia leet, loos ka lae? Nia mós seidauk halo nuneʼe ho tesi-lia, milagre sira, sinál sira,+ funu,+ liman neʼebé forte,+ liman neʼebé iha kbiit, no ho hahalok neʼebé hamosu taʼuk,+ hanesan Jeová, imi-nia Maromak, halo ba rai-Ejitu iha imi-nia oin, loos ka lae?

  • Neemias 9:10
    Bíblia Sagrada Tradusaun Mundu Foun

    • 10 Tuirmai Ita hatudu sinál no halo milagre hasoru Faraó* no ninia atan sira no povu hotu iha ninia rai,+ tanba Ita hatene katak sira sai foti an*+ no ulun-toos hodi fó-terus ba ami-nia beiʼala sira. No Ita halo Ita-nia naran sai boot toʼo ohin.+

  • Salmo 105:27-36
    Bíblia Sagrada Tradusaun Mundu Foun

    • 27 Sira hatudu sai ninia sinál iha inimigu nia leet,

      Sin, hatudu sai ninia milagre iha Ham nia rai.+

      28 Nia halo nakukun iha rai neʼe;

      Moisés no Arão la kontra hasoru ninia liafuan.+

      29 Nia troka inimigu nia bee sai fali raan

      No oho sira-nia ikan.+

      30 Sira-nia rai nakonu ho manduku,+

      Inklui mós liurai nia kuartu sira.

      31 Nia haruka lalar boot* no susuk sira

      Atu ataka sira-nia área hotu.+

      32 Nia halo sira-nia udan sai fali udan jelu-fatuk

      No haruka rai-lakan* ba sira-nia rai.+

      33 Nia hamate sira-nia uvas-hun no sira-nia ai-figeira

      No estraga ai sira iha sira-nia rai.

      34 Nia haruka gafañotu atu ataka,

      Gafañotu-oan neʼebé sura labele.+

      35 Gafañotu sira-neʼe han mohu ai-horis hotu iha rai neʼe,

      No sira tolan ai-han hotu neʼebé moris iha toʼos.

      36 Tuirmai nia oho oan primeiru hotu iha inimigu nia rai,+

      Katak oan primeiru husi sira-nia kbiit atu iha oan.