7 “Se imi-nia maun-alin ida sai kiak iha imi-nia leet iha sidade ida iha rai neʼebé Jeová, imi-nia Maromak, sei fó ba imi, keta halo toos imi-nia laran ka karak* ba imi-nia maun-alin neʼebé kiak neʼe.+ 8 Tanba imi tenke loke imi-nia liman ho laran-luak ba nia+ no ho laran fó-empresta buat naran deʼit neʼebé nia presiza ka falta.

34 No mós, sé mak sei gaba imi se imi fó debe* deʼit ba ema neʼebé imi fiar katak sira sei selu fali?+ Ema aat mós fó debe ba ema aat seluk no hein katak sira sei selu fali debe hotu. 35 Duké halo nuneʼe, hadomi nafatin imi-nia inimigu sira no halo buat diʼak ba ema no fó debe hodi la hein atu ema selu fali.+ Se imi halo nuneʼe imi sei simu kolen boot tebes, no imi sei sai Maromak neʼebé Aas Liu Hotu nia oan, tanba nia hatudu laran-diʼak ba ema neʼebé la fó agradese no ema aat.+

35 Iha buat hotu-hotu haʼu hatudu ona ba imi katak hodi halo serbisu makaʼas hanesan haʼu halo,+ imi tenke tau matan ba sira neʼebé fraku. No imi tenke hanoin-hetan Naʼi Jesus nia liafuan kuandu nia rasik dehan: ‘Kontente liu atu fó+ duké simu.’”

16 Liután neʼe, keta haluha atu halo hahalok diʼak no fahe buat neʼebé imi iha ba ema seluk,+ tanba buat sira-neʼe hanesan sakrifísiu neʼebé halo Maromak kontente tebes.+