• Éxodo 32:12
    Bíblia Sagrada Tradusaun Mundu Foun

    • 12 Se Ita halo ida-neʼe, ema Ejitu sei dehan: ‘Nia iha ona hanoin aat ba sira bainhira nia lori sira sai. Nia hakarak oho sira iha área foho nian no halakon sira husi rai leten.’+ Entaun, favór ida tahan netik Ita-nia hirus makaʼas no hanoin fali* kona-ba Ita-nia desizaun atu lori susar ba Ita-nia povu.

  • Números 14:15, 16
    Bíblia Sagrada Tradusaun Mundu Foun

    • 15 Se Ita oho povu hotu neʼe dala ida deʼit,* nasaun sira neʼebé rona ona kona-ba Ita-nia naran-boot sei hatete nuneʼe: 16 ‘Jeová la iha kbiit atu lori povu neʼe ba rai neʼebé nia promete atu fó ba sira, tan neʼe nia oho sira iha rai-fuik.’+

  • Deuteronómio 32:26, 27
    Bíblia Sagrada Tradusaun Mundu Foun

    • 26 Uluk haʼu hakarak atu hatete: “Haʼu sei halo sira namkari,

      Haʼu sei halakon sira no ema sei la hanoin-hetan tan sira”,

      27 Maibé haʼu la hatete ida-neʼe tanba haʼu taʼuk buat neʼebé inimigu sei dehan,+

      Tanba inimigu bele hanoin sala kona-ba neʼe.+

      Karik sira sei dehan: “Ami manán ho ami-nia kbiit rasik,+

      Laʼós Jeová mak halo buat hotu neʼe.”

  • Salmo 79:10
    Bíblia Sagrada Tradusaun Mundu Foun

    • 10 Tanbasá mak nasaun sira tenke dehan: “Sira-nia Maromak iha neʼebé?”+

      Husik ami haree kuandu Ita hatudu sai iha nasaun sira-nia leet

      Katak Ita selu fali ona ba ema neʼebé fakar Ita-nia atan sira-nia raan.+