• Salmo 135:15-18
    Bíblia Sagrada Tradusaun Mundu Foun

    • 15 Nasaun sira-nia estátua* sira halo husi osan-mutin no osan-mean,

      Ema nia liman mak halo.+

      16 Estátua sira-neʼe iha ibun, maibé labele koʼalia;+

      Sira iha matan, maibé labele haree;

      17 Sira iha tilun, maibé labele rona.

      No la iha iis iha sira-nia ibun.+

      18 Ema neʼebé halo estátua sira-neʼe sei sai hanesan sira,+

      Nuneʼe mós ho ema hotu neʼebé tau fiar ba estátua sira-neʼe.+

  • Isaias 46:6
    Bíblia Sagrada Tradusaun Mundu Foun

    •  6 Iha ema balu neʼebé hasai osan-mean barak husi sira-nia bornál;

      Sira tetu osan-mutin iha dasin.

      Sira selu badaen-besi, no nia halo osan-mutin neʼe sai maromak ida.+

      Sira hakruʼuk, sin, sira adora maromak neʼe.+

  • Jeremias 10:3, 4
    Bíblia Sagrada Tradusaun Mundu Foun

    •  3 Tanba ema sira-neʼe nia lisan mak folin-laek.

      Sira-nia estátua mak ai-hun deʼit neʼebé tesi tiha ona husi ai-laran,

      Buat neʼebé badaen halo ho ninia liman hodi uza sabit.*+

       4 Sira hafurak ida-neʼe ho osan-mutin no osan-mean+

      No prega metin ida-neʼe ho martelu no pregu hodi labele monu.+

  • Jeremias 10:8, 9
    Bíblia Sagrada Tradusaun Mundu Foun

    •  8 Sira hotu la iha hanoin no beik-teen.+

      Hanorin husi ai-hun mak folin-laek.+

       9 Osan-mutin belar husi Tarsis+ no osan-mean husi Ufaz,

      Badaen sira no badaen-besi nian uza buat sira-neʼe atu falun ai,

      Sira fó-hatais ai ho roupa husi kabas kór-azúl no kabas kór-violeta husi bibi-malae fulun.

      Badaen matenek sira mak halo buat hotu neʼe.