• Salmo 15:1-5
    Bíblia Sagrada Tradusaun Mundu Foun

    • 15 Oh Jeová, sé mak bele sai bainaka iha Ita-nia tenda?

      Sé mak bele hela iha Ita-nia foho santu?+

       2 Neʼe mak ema neʼebé moris ho hahalok loos,*+

      Halo buat neʼebé loos+

      No hanoin kona-ba lia-loos iha ninia laran.+

       3 Nia la uza ninia nanál atu koʼalia aat no hafoʼer ema seluk nia naran,+

      Nia la halo aat ba ninia maluk,+

      No nia la hafoʼer ninia belun nia naran.*+

       4 Nia la simu ema neʼebé la iha morál,+

      Maibé nia hafolin sira neʼebé hamtaʼuk Jeová.

      Nia kumpre nafatin ninia promesa* sira maski neʼe lori susar ba nia.+

       5 Nia la husu osan-funan kuandu fó-empresta,+

      No nia lakohi simu prezente hodi halo aat ba ema neʼebé la halo sala.+

      Ema neʼebé halo buat sira-neʼe sei hamriik metin nafatin.*+