2 Absalão iha toman atu hadeer sedu no hamriik besik dalan neʼebé tama ba sidade nia portaun.+ Bainhira ema ruma mai atu hatoʼo ninia kazu ba liurai hodi hetan tesi-lia,+ Absalão bolu ema neʼe no dehan: “Ó mai husi sidade ida-neʼebé?” Ema neʼe hatán: “Ita-nia atan mai husi suku ida iha Izraél.” 3 Tuirmai Absalão dehan ba nia: “Ó mak loos no la halo sala, maibé liurai la haruka ema ida atu rona ba ó-nia kazu.” 4 Baibain Absalão dehan: “Se karik haʼu mak sai juís iha rai neʼe, ema hotu neʼebé iha kazu ka presiza atu hatene desizaun kona-ba buat ruma, sei mai hasoru haʼu no haʼu sei haree didiʼak atu sira hetan justisa.”