8 “Kuandu ema konvida ó ba festa kazamentu nian, keta tuur iha fatin neʼebé importante liu.+ Tanba karik nia mós konvida ona ema neʼebé boot liu ó. 9 Tuirmai ema neʼebé konvida imi naʼin-rua sei mai no dehan ba ó: ‘Fó fatin neʼe ba mane neʼe.’ No ó sei moe boot hodi hamriik no bá tuur iha fatin neʼebé iha kotuk liu. 10 Maibé kuandu ema konvida ó, bá no tuur iha kotuk liu, atu nuneʼe kuandu ema neʼebé konvida ó mai, nia sei dehan ba ó: ‘Belun, bá tuur iha oin.’ Ho ida-neʼe, nia sei hatudu respeitu ba ó iha bainaka hotu nia oin.+

5 Nuneʼe mós mane joven sira, hakruʼuk ba katuas sira.+ Maibé imi hotu tenke haraik an ba malu,* tanba Maromak kontra ema neʼebé loko an, maibé nia hatudu ninia laran-diʼak neʼebé boot ba ema neʼebé haraik an.+