8 Entaun Hirão haruka lia-menon ba Salomão: “Haʼu rona ona lia-menon neʼebé ó haruka mai haʼu. Haʼu sei halo buat hotu neʼebé ó hakarak hodi fó ai-sedru no ai-juníperu ba ó.+ 9 Haʼu-nia atan sira sei lori ai sira-neʼe tun ba tasi husi Líbanu, no haʼu sei kesi ai sira-neʼe hamutuk hodi haruka liuhusi tasi ba fatin neʼebé ó hili. Haʼu sei kore fali ai sira-neʼe iha neʼebá, no ó bele lori ai sira-neʼe bá. Ó tenke fó ai-han ba haʼu-nia umakain tuir buat neʼebé haʼu husu hodi troka ho ai sira-neʼe.”+