• Ezras 1:1, 2
    Bíblia Sagrada Tradusaun Mundu Foun

    • 1 Iha tinan primeiru husi liurai Pérsia naran Ciro+ nia ukun, Jeová book Liurai Ciro nia laran atu fó sai avizu ida iha área tomak neʼebé nia ukun, hodi bele kumpre Jeová nia liafuan neʼebé fó sai ona liuhusi Jeremias,+ no liurai mós hakerek avizu neʼe:+

      2 “Liurai Ciro husi rai-Pérsia dehan nuneʼe: ‘Jeová, Maromak lalehan nian fó ona nasaun hotu iha mundu neʼe mai haʼu,+ no nia rasik haruka ona haʼu atu harii uma ida ba nia iha sidade Jeruzalein+ iha rai-Judá.

  • Isaias 41:25
    Bíblia Sagrada Tradusaun Mundu Foun

    • 25 Haʼu hili ona ema ida husi parte norte, no nia sei mai,+

      Ema ida husi lorosaʼe*+ neʼebé sei bolu haʼu-nia naran.

      Nia sei sama ukun-naʼin sira hanesan sira mak rai-mean,+

      Hanesan badaen rai-mean sama rai-mean neʼebé bokon.

  • Isaias 45:1
    Bíblia Sagrada Tradusaun Mundu Foun

    • 45 Tuirmai neʼe mak liafuan husi Jeová ba Ciro,+ ema neʼebé nia hili* ona,

      Neʼebé Nia kaer ninia liman-loos+

      Atu domina nasaun sira iha ninia oin,+

      Atu manán liurai sira,*

      Atu loke sidade nia portaun sira iha ninia oin,

      Hodi nuneʼe sidade nia portaun sira labele taka metin:

  • Isaias 46:11
    Bíblia Sagrada Tradusaun Mundu Foun

    • 11 Haʼu sei bolu manu-makikit* mai husi parte leste,*+

      Haʼu sei bolu mane ida husi rai neʼebé dook atu kumpre haʼu-nia desizaun.*+

      Haʼu koʼalia ona, no haʼu sei kumpre haʼu-nia liafuan.

      Haʼu deside ona saida mak haʼu hakarak, no haʼu sei kumpre haʼu-nia hakarak.+

  • Daniel 10:1
    Bíblia Sagrada Tradusaun Mundu Foun

    • 10 Iha tinan terseiru husi Liurai Ciro+ nia ukun ba rai-Pérsia, Daniel, neʼebé mós hanaran Beltesazar,+ simu mensajen ida. Mensajen neʼe mak loos, no neʼe kona-ba funu boot. Nia komprende mensajen neʼe no simu kbiit atu komprende buat neʼebé nia haree ona.