• Deuteronómio 30:1-3
    Bíblia Sagrada Tradusaun Mundu Foun

    • 30 “Bainhira liafuan sira-neʼe hotu sai loos ba imi, katak bensaun no malisan neʼebé haʼu tau ona iha imi-nia oin,+ no imi hanoin-hetan fali*+ ida-neʼe iha nasaun hotu nia leet, neʼebé Jeová, imi-nia Maromak, halo imi namkari bá,+ 2 no imi ho imi-nia oan sira fila fali ba Jeová, imi-nia Maromak,+ ho imi-nia laran tomak no ho imi-nia moris*+ tomak hodi rona ba ninia liafuan tuir buat hotu neʼebé haʼu fó sai ba imi ohin, 3 entaun Jeová, imi-nia Maromak, sei lori fali imi neʼebé sai ona dadur+ no hatudu laran-sadiʼa+ ba imi no halibur fali imi husi povu hotu neʼebé Jeová, imi-nia Maromak, halo imi namkari bá.+

  • Isaias 43:6
    Bíblia Sagrada Tradusaun Mundu Foun

    •  6 Haʼu sei hatete ba norte: ‘Entrega fali ema sira-neʼe!’+

      No ba súl: ‘Keta kaer netik sira.

      Lori haʼu-nia oan-mane sira husi fatin dook, no lori mós haʼu-nia oan-feto sira husi rai neʼebé dook tebes,+

  • Isaias 60:9
    Bíblia Sagrada Tradusaun Mundu Foun

    •  9 Illa sira sei tau esperansa ba haʼu;+

      Ró Tarsis sira mak halai iha oin,*

      Sira lori ó-nia oan sira mai husi fatin dook,+

      Hamutuk ho sira-nia osan-mutin no osan-mean,

      Hodi fó hahiʼi ba Jeová, ó-nia Maromak, nia naran no fó hahiʼi ba Izraél nia Maromak neʼebé Santu,

      Tanba nia sei fó glória ba* ó.+