8 Tuirmai Jeová dehan ba Josué: “Keta taʼuk ba sira,+ tanba haʼu entrega ona sira ba ó.+ Sira ida mós sei la iha kbiit atu hamriik hasoru ó.”+ 9 Josué laʼo husi Gilgal durante kalan tomak, no ataka sira-nia inimigu derrepente deʼit. 10 Jeová halo sira runguranga iha ema Izraél nia oin,+ no ema Izraél oho sira barak tebes iha sidade Gibeão. Ema Izraél duni tuir sira liuhusi dalan atu saʼe ba Bet-Horom no kontinua oho sira toʼo iha Azeka no Makedá. 11 Bainhira sira halai husi ema Izraél no tun daudaun husi Bet-Horom, Jeová halo udan jelu-fatuk boot husi lalehan tun ba sira toʼo iha Azeka, no sira mate. Tuir loloos, ema barak liu mate tanba jelu-fatuk duké mate ho ema Izraél nia surik.

12 Nuneʼe, iha loron neʼebé Jeová manán ema Amoreu iha ema Izraél nia oin, Josué hatete ba Jeová iha ema Izraél nia oin:

13 Entaun loro-matan para metin duni no fulan mós la book an toʼo nasaun neʼe manán tiha ninia inimigu sira. Neʼe hakerek ona iha livru Jasar,+ loos ka lae? Loro-matan para metin iha lalehan klaran no la tun lalais ba loron tomak. 14 La iha loron seluk hanesan loron neʼe, antes ka depois loron neʼe, bainhira Jeová rona ba ema nia lian+ iha dalan hanesan neʼe, tanba Jeová rasik mak halo funu ba Izraél.+

20 Entaun David bá Baal-Perazim, no oho sira iha neʼebá. Ho ida-neʼe, nia dehan: “Jeová halakon ona haʼu-nia inimigu sira+ iha haʼu-nia oin, hanesan bee sobu rahun moru.” Tan neʼe mak nia hanaran fatin neʼe Baal-Perazim.*+

10 David husu Maromak: “Haʼu tenke bá hodi funu hasoru ema Filístia ka lae? Ita sei entrega sira ba haʼu-nia liman ka lae?” Jeová hatán: “Ó bele bá, tanba haʼu sei entrega sira ba ó-nia liman.”+ 11 Entaun David saʼe ba Baal-Perazim,+ no oho sira iha neʼebá. Ho ida-neʼe, David dehan: “Maromak loos uza ona haʼu atu halakon haʼu-nia inimigu sira hanesan bee sobu rahun moru.” Tan neʼe mak sira hanaran fatin neʼe Baal-Perazim.* 12 Ema Filístia husik hela sira-nia maromak sira iha neʼebá. Tuirmai David fó orden no sira sunu tiha maromak sira-neʼe.+

13 Liutiha tempu balu, ema Filístia mai fali atu ataka rai-tetuk neʼe.+ 14 David husu tan ba Maromak, maibé Maromak loos hatete ba nia: “Keta ataka sira husi oin. Maibé laʼo haleʼu sira toʼo sira-nia kotuk, no ataka sira iha ai-baka sira-nia oin.+ 15 Bainhira ó rona lian hanesan tropa sira marxa iha ai-baka nia leten, ó tenke ataka kedas, tanba Maromak loos sei laʼo iha ó-nia oin hodi halakon tropa Filístia.”+ 16 Entaun David halo tuir Maromak loos nia mandamentu,+ no sira oho tropa Filístia husi Gibeão toʼo Gezer.+