• 1 Reis 19:5, 6
    Bíblia Sagrada Tradusaun Mundu Foun

    • 5 Tuirmai Elias latan an no toba-dukur iha ai-jiesta neʼe nia okos. Maibé derrepente deʼit anju ida kaer nia+ no dehan: “Hadeer no han bá.”+ 6 Bainhira nia hateke, nia haree paun kabuar fuan ida iha fatuk manas nia leten no bee iha buli ida besik ninia ulun. Nia han no hemu, depois neʼe toba fali.

  • Salmo 34:9, 10
    Bíblia Sagrada Tradusaun Mundu Foun

    •  9 Hamtaʼuk Jeová bá, imi hotu neʼebé sai ninia povu santu,

      Tanba sira neʼebé hamtaʼuk nia sei la falta buat ida.+

      כ [Kaf]

      10 Leaun-aman neʼebé forte mós bele sai hamlaha,

      Maibé sira neʼebé buka Jeová sei la falta buat diʼak ida.+

  • Isaias 65:13
    Bíblia Sagrada Tradusaun Mundu Foun

    • 13 Tan neʼe, Jeová, Naʼi Ukun-Naʼin Boot Liu, dehan nuneʼe:

      “Haree bá! Haʼu-nia atan sira sei han, maibé imi sei hamlaha.+

      Haree bá! Haʼu-nia atan sira sei hemu,+ maibé imi sei hamrook.

      Haree bá! Haʼu-nia atan sira sei haksolok,+ maibé imi sei moe.+