15 Jeová sei halakon moras hotu husi imi, no nia sei la lori ba imi-nia leet moras aat hotu neʼebé imi hatene iha rai-Ejitu.+ Maibé, nia sei lori moras sira-neʼe ba ema hotu neʼebé odi imi.

4 Nia sei hamaran sira-nia matan-been hotu husi sira-nia matan,+ mate sei la iha tan,+ no ema sei la triste tan ka tanis ka sente moras.+ Buat sira neʼebé uluk nian lakon tiha ona.”

22 Tuirmai anju neʼe hatudu ba haʼu mota neʼebé iha bee moris nian+ neʼebé moos loos hanesan fatuk-kristál, no mota neʼe suli sai husi Maromak no Bibi-Oan nia kadunan+ 2 no mota neʼe suli liuhusi dalan boot nia klaran iha sidade neʼe. Mota neʼe nia sorin-sorin iha ai-hun moris nian neʼebé fó fuan dala 12 tinan-tinan, neʼe katak fó fuan fulan-fulan. No ai-hun sira-neʼe nia tahan mak ai-moruk hodi kura nasaun sira.+