• Isaias 1:23
    Bíblia Sagrada Tradusaun Mundu Foun

    • 23 Ó-nia ulun-naʼin sira mak ulun-toos no sai belun ho naʼok-teen sira.+

      Sira ida-idak gosta simu prezente atu bobar lia-loos no buka deʼit prezente.+

      Sira la lori justisa ba oan-kiak sira,

      No taka matan ba feto-faluk sira-nia kazu.+

  • Jeremias 5:26-28
    Bíblia Sagrada Tradusaun Mundu Foun

    • 26 Tanba iha haʼu-nia povu nia leet iha ema aat sira.

      Sira hakruʼuk tun no hafuhu hela, hanesan ema neʼebé kasa manu.

      Sira tau lasu neʼebé bele halo mate.

      Vítima neʼebé sira kaer mak ema.

      27 Hanesan gaiola neʼebé nakonu ho manu,

      Nuneʼe mós sira-nia uma nakonu ho lia-bosok.+

      Tan neʼe mak sira sai ema-boot no riku.

      28 Sira sai bokur ona no sira-nia isin kabeer;

      Sira-nia hahalok aat nakonu toʼo resin.

      Sira la ajuda oan-kiak* nia kazu,+

      Atu nuneʼe sira bele hetan susesu,

      No sira hanetik justisa ba ema kiak.’”+

  • Miqueias 2:1, 2
    Bíblia Sagrada Tradusaun Mundu Foun

    • 2 “Susar ba ema sira neʼebé halo planu aat,

      Sira neʼebé halo planu iha sira-nia kama leten atu halo hahalok aat!

      Bainhira dadeer ona, sira kumpre sira-nia planu,

      Tanba sira iha kbiit atu halo ida-neʼe.+

       2 Sira kaan ema nia toʼos no hadau toʼos sira-neʼe.+

      Sira mós kaan ema nia uma no hadau uma sira-neʼe.

      Sira lohi atu hadau ema nia uma,+

      Hodi hadau ema nia liman-rohan.