• Jeremias 2:8
    Bíblia Sagrada Tradusaun Mundu Foun

    •  8 Amlulik sira la husu: ‘Jeová iha loos neʼebé?’+

      Sira neʼebé kaer Ukun-Fuan la hatene haʼu,

      Bibi-atan sira kontra hasoru haʼu,+

      Profeta sira mós fó sai liafuan hodi Baal nia naran,+

      No sira halo tuir maromak sira neʼebé la lori buat diʼak.

  • Jeremias 8:10-12
    Bíblia Sagrada Tradusaun Mundu Foun

    • 10 Tan neʼe, haʼu sei fó sira-nia feen ba mane seluk,

      No sira-nia toʼos sei sai ema seluk nian.+

      Tanba husi povu kiʼik toʼo ema-boot, sira ida-idak hakarak manán buat ruma ho laran-makerek.+

      Husi profeta toʼo amlulik, sira ida-idak lohi hodi hamatak ema.+

      11 No sira koko atu hadiʼa haʼu-nia povu nia oan-feto nia situasaun aat* hodi koʼalia ho ibun-midar,* dehan:

      “Iha dame! Iha dame!”

      Maski tuir loloos la iha dame.+

      12 Sira sente moe ba buat aat oioin neʼebé sira halo ona ka lae?

      Sira-nia moe la iha duni!

      Sira mós la hatene moe!+

      Tan neʼe, sira sei monu hamutuk ho sira neʼebé monu.

      Sira sei sidi bainhira haʼu fó kastigu ba sira’,+ Jeová mak dehan.

  • Miqueias 3:5
    Bíblia Sagrada Tradusaun Mundu Foun

    •  5 Jeová dehan nuneʼe kona-ba profeta sira neʼebé lori haʼu-nia povu laʼo sala dalan,+

      Neʼebé dehan: ‘Dame!’+ bainhira sira tata hela buat ruma ho sira-nia nehan,*+

      Maibé sira prepara an atu bá funu* hasoru ema neʼebé la tau buat ida iha sira-nia ibun:

  • Miqueias 3:11
    Bíblia Sagrada Tradusaun Mundu Foun

    • 11 Sidade neʼe nia ulun-naʼin sira tesi-lia tanba simu prezente,+

      Ninia amlulik sira hanorin tanba simu kolen,+

      No ninia profeta sira siʼik futuru tanba osan.*+

      Maski nuneʼe, sira sadere ba Jeová,* hodi dehan:

      “Jeová hamutuk ho ita, loos ka lae?+

      La iha susar ida mak sei kona ita.”+