Watchtower BIBLIOTEKA ONLINE

2 Reis 21:16

Bíblia Sagrada Tradusaun Mundu Foun
- 16 Manasés halo sala tanba dada ema Judá monu ba sala hodi halo buat neʼebé aat tuir Jeová nia haree, no nia mós oho ema laran-moos barak tebes toʼo sira-nia raan nakonu iha Jeruzalein husi rohan toʼo rohan.+

Isaias 59:7

Bíblia Sagrada Tradusaun Mundu Foun
- 7 Sira halai atu halo hahalok aat,
  No sira ansi atu oho ema laran-moos.*+
  
  Sira-nia hanoin mak atu halo aat ba ema;
  Sira-nia dalan mak sempre halo aat ba malu no haterus malu.+

Jeremias 2:34

Bíblia Sagrada Tradusaun Mundu Foun
- 34 Ó-nia roupa* mós iha ona noda husi ema* kiak sira-nia raan neʼebé la iha sala.+
  Maski sira la tama ema nia uma hodi naʼok,
  Maibé sira-nia raan iha ó-nia roupa hotu.+

Lamentasaun 4:13

Bíblia Sagrada Tradusaun Mundu Foun
- 13 Neʼe akontese tanba profeta sira-nia sala no amlulik sira-nia sala.+
  Sira fakar ema laran-loos sira-nia raan iha sidade neʼe nia laran.+

Mateus 23:34, 35

Bíblia Sagrada Tradusaun Mundu Foun
- 34 Tan razaun neʼe, haʼu sei haruka profeta sira+ no ema matenek sira no mós mestre sira ba imi.+ Sira balu imi sei oho+ no fó kastigu-mate iha ai-riin, no sira seluk imi sei baku ho xikote+ iha imi-nia sinagoga sira no fó-terus+ ba sira husi sidade ba sidade, 35 atu nuneʼe imi sei lori todan ba ema laran-loos hotu nia raan neʼebé fakar ona iha rai, hahú husi ema laran-loos Abel+ nia raan toʼo Barakias nia oan-mane Zacarias nia raan. Imi oho Zacarias iha fatin sagradu no altár nia klaran.+