15 Ho ida-neʼe, nia lori Liurai Joaquim+ ba Babilónia nuʼudar dadur.+ Nia mós lori liurai nia inan, liurai nia feen sira, ema-boot sira neʼebé serbisu iha palásiu, no mane naran-boot sira iha rai neʼe. Nia lori sira hotu husi Jeruzalein atu sai dadur iha Babilónia. 16 Liurai Babilónia mós lori funu-naʼin hotu hamutuk naʼin-7.000, no mós badaen-besi* no badaen seluk naʼin-1.000, katak mane forte hotu neʼebé treinu ona atu halo funu, hodi bá Babilónia nuʼudar dadur.

24 Tuirmai, Jeová hatudu ba haʼu bote rua nakonu ho figeira-fuan neʼebé tau iha Jeová nia templu oin. Neʼe akontese bainhira Liurai Nabukodonozór* husi Babilónia lori ona Jeoquim+ nia oan-mane Jeconias,*+ liurai husi rai-Judá, nuʼudar dadur. Nia lori liurai neʼe hamutuk ho ulun-naʼin sira husi rai-Judá, badaen no badaen-besi* sira husi Jeruzalein nuʼudar dadur* ba Babilónia.+