8 Haʼu sei hamoos sira-nia sala hotu neʼebé sira halo kontra haʼu,+ no haʼu sei fó perdua ba sira-nia sala no hahalok kontra hotu neʼebé sira halo hasoru haʼu.+

27 Tuirmai nia foti tua-uvas kopu ida, no depois fó tiha agradese ba Maromak, nia fó ba sira no dehan: “Imi hotu, hemu bá.+ 28 Tanba ida-neʼe reprezenta haʼu-nia ‘raan+ aliansa nian’,+ neʼebé sei fakar atu ema barak+ hetan perdua ba sala.+

10 “‘Neʼe mak aliansa neʼebé haʼu sei halo ho umakain Izraél liutiha tempu neʼebá’, Jeová* mak dehan. ‘Haʼu sei tau haʼu-nia ukun-fuan iha sira-nia neon, no haʼu sei hakerek ukun-fuan neʼe iha sira-nia fuan.+ Haʼu sei sai sira-nia Maromak, no sira sei sai haʼu-nia povu.+

11 “‘No sira sei la hanorin tan sira-nia maluk no sira-nia maun-alin, hodi dehan: “Imi tenke hatene Jeová!”* Tanba sira hotu sei hatene haʼu, husi povu kiʼik toʼo ema-boot. 12 Tanba haʼu sei hatudu laran-sadiʼa ba sira-nia hahalok neʼebé la loos, no haʼu sei la hanoin-hetan tan sira-nia sala.’”+

15 Tan neʼe mak nia sai mediadór* ba aliansa foun,+ atu nuneʼe sira neʼebé Maromak bolu ona bele simu promesa atu hetan liman-rohan neʼebé ba nafatin.+ Sira bele hetan buat sira-neʼe tanba ninia mate, no liuhusi folin neʼebé nia fó atu sosa fali+ sira mak sira sai livre husi sala neʼebé sira halo bainhira sira sei iha aliansa uluk nia okos.

17 Tuirmai nia dehan: “Haʼu sei la hanoin-hetan tan sira-nia sala no sira-nia hahalok neʼebé la loos.”+