-
Isaias 11:11, 12Bíblia Sagrada Tradusaun Mundu Foun
-
-
11 Iha loron neʼebá Jeová sei lolo tan ninia liman ba dala segundu hodi halibur fali ninia povu restu husi rai sira hanesan Asíria,+ Ejitu,+ Patros,+ Kus,+ Elam,+ Sinear,* Hamat no illa sira iha tasi.+ 12 Nia sei tau sinál* ida ba nasaun sira no halibur ema Izraél sira neʼebé namkari,+ no nia sei halibur hamutuk ema Judá sira neʼebé hela namkari iha rai nia lidun haat.+
-
-
Jeremias 30:10, 11Bíblia Sagrada Tradusaun Mundu Foun
-
-
10 Jeová dehan: “Kona-ba ó, haʼu-nia atan Jacob, keta taʼuk,
Oh Izraél, keta laran nakdedar.+
Tanba haʼu sei salva ó husi fatin dook
No haʼu sei salva ó-nia bei-oan sira husi rai neʼebé sira moris nuʼudar dadur.+
Jacob sei fila fali mai no sei moris hakmatek no iha dame,
Sei la iha ema ida mak halo sira taʼuk.”+
11 Jeová dehan: “Tanba haʼu sei hamutuk ho ó atu salva ó.
-
-
Ezequiel 34:13, 14Bíblia Sagrada Tradusaun Mundu Foun
-
-
13 Haʼu sei lori sira sai husi povu seluk nia leet no halibur sira hamutuk husi rai oioin no lori sira ba sira-nia rai no fó-han sira iha Izraél nia foho leten,+ besik mota no ema nia hela-fatin hotu iha rai neʼe. 14 Haʼu sei fó-han sira iha rai neʼebé iha duʼut barak, no sira sei han duʼut iha Izraél nia foho sira neʼebé aas.+ Sira sei toba iha rai neʼebé matak no kapás,+ no sira sei han duʼut neʼebé diʼak liu iha Izraél nia foho leten.”
-
-
Amós 9:14, 15Bíblia Sagrada Tradusaun Mundu Foun
-
-
14 Haʼu sei halibur fali haʼu-nia povu Izraél husi dadur,+
No sira sei harii fali sidade sira neʼebé mamuk no hela iha neʼebá.+
Sira sei kuda uvas iha toʼos no hemu tua-uvas,+
No halo toʼos sira no han ai-fuan sira.’+
15 ‘Haʼu sei kuda fali sira iha sira-nia rai,
No ema sei nunka fokit sai fali sira
Husi sira-nia rai neʼebé haʼu fó ona ba sira’,+ Jeová, ó-nia Maromak, mak dehan.”
-