• 1 Samuel 15:22
    Bíblia Sagrada Tradusaun Mundu Foun

    • 22 Samuel dehan: “Saida mak Jeová hakarak? Nia hakarak liu atu ema halo tuir nia, ka hasaʼe sakrifísiu sunu nian no sakrifísiu sira seluk?+ Halo tuir Jeová mak diʼak liu fali hasaʼe sakrifísiu ida,+ no rona didiʼak mak diʼak liu fali fó bibi-malae aman nia bokur,+

  • Isaias 1:11
    Bíblia Sagrada Tradusaun Mundu Foun

    • 11 Jeová dehan: “Haʼu hetan buat diʼak saida husi sakrifísiu barak neʼebé imi hasaʼe?+

      Haʼu sai baruk ona ho bibi-malae aman+ no naʼan bokur husi animál sira neʼebé bokur,+ neʼebé imi hasaʼe nuʼudar sakrifísiu sunu nian,

      No haʼu la kontente ho raan+ husi karau-aman,+ bibi-malae oan no bibi-timur.+

  • Miqueias 6:6-8
    Bíblia Sagrada Tradusaun Mundu Foun

    •  6 Haʼu sei lori saida bainhira haʼu bá iha Jeová nia oin?

      Haʼu sei lori saida bainhira haʼu bá hodi hakruʼuk ba Maromak neʼebé hela iha fatin aas?

      Haʼu sei bá iha ninia oin hodi lori sakrifísiu sunu nian neʼebé hasaʼe tomak ka?

      Haʼu sei lori karau-oan sira neʼebé tinan ida ka?+

       7 Jeová sei kontente ho bibi-malae aman rihun ba rihun ka lae?

      Nia sei kontente ho mina barak hanesan mota ka lae?*+

      Haʼu sei entrega haʼu-nia oan-mane primeiru atu taka haʼu-nia hahalok kontra ka?

      Haʼu sei hasaʼe haʼu-nia oan rasik nuʼudar sakrifísiu atu taka haʼu-nia sala ka?+

       8 Oh ema sira, nia fó-hatene ona ba imi buat neʼebé diʼak.

      Saida mak Jeová husu* ba imi atu halo?

      Neʼe mak atu imi hatudu hahalok justisa,*+ hafolin hahalok laran-metin,*+

      No atu laʼo hamutuk ho imi-nia Maromak+ ho haraik an!+