• 2 Krónikas 30:6
    Bíblia Sagrada Tradusaun Mundu Foun

    • 6 Tuirmai liurai haruka ninia atan* sira laʼo haleʼu rai-Izraél no rai-Judá tomak hodi lori karta husi liurai no ulun-naʼin sira, no dehan: “Oh povu Izraél, fila fali ba Jeová, Abraão nia Maromak, Isaac nia Maromak no Izraél nia Maromak, atu nuneʼe nia bele simu fali povu restu neʼebé livre ona husi liurai Asíria sira-nia liman.+

  • Isaias 55:6, 7
    Bíblia Sagrada Tradusaun Mundu Foun

    •  6 Buka Jeová bainhira imi sei bele hetan nia.+

      Bolu nia tanba agora nia sei besik imi.+

       7 Ema aat tenke husik ninia dalan+

      No ema laran-aat tenke husik ninia hanoin aat sira;

      Husik nia fila fali ba Jeová, neʼebé sei hatudu laran-sadiʼa ba nia,+

      Fila fali ba ita-nia Maromak, tanba Maromak sei fó perdua ho laran-luak.+

  • Joel 2:12, 13
    Bíblia Sagrada Tradusaun Mundu Foun

    • 12 Jeová dehan: “Maski nuneʼe, agora kedas, fila fali mai haʼu ho imi-nia laran tomak,+

      Halo jejún,+ tanis no halerik bá.

      13 Lees imi-nia fuan,+ laʼós imi-nia roupa,+

      No fila fali ba Jeová, imi-nia Maromak,

      Tanba nia laran-diʼak no laran-sadiʼa, la hirus lalais+ no nakonu ho domin neʼebé laran-metin,+

      No nia sei hanoin fali* kona-ba ninia desizaun atu lori susar boot neʼe.