8 Iha fulan-segundu tinan segundu husi tempu neʼebé ema Izraél mai toʼo Maromak loos nia uma iha Jeruzalein, sira komesa halo serbisu. Ema Izraél sira-neʼe mak Sealtiel nia oan-mane Zorobabel, Jeozadak nia oan-mane Jesua, no sira-nia maun-alin sira, amlulik sira no ema Levi, ho ema hotu neʼebé sai husi dadur no mai toʼo Jeruzalein;+ sira fó knaar ba ema Levi sira neʼebé husi tinan 20 ba leten hodi tau matan ba serbisu atu harii fali Jeová nia uma.

10 Bainhira badaen sira halo ona fundasaun ba Jeová nia templu,+ amlulik sira neʼebé hatais roupa amlulik nian kaer trombeta,+ no ema Levi, Asaf nia oan-mane sira, kaer simbala, sira hotu hamriik atu fó hahiʼi ba Jeová hodi halo tuir matadalan neʼebé uluk Liurai David husi Izraél fó ba sira.+

14 Liután neʼe, Liurai Ciro mós foti sai sasán sira neʼebé uluk Nabukodonozór foti husi Maromak nia uma iha Jeruzalein hodi tau iha ninia maromak nia templu iha Babilónia.+ Liurai Ciro fó sasán sira-neʼe neʼebé halo husi osan-mean no osan-mutin ba mane ida naran Sesbazar,*+ neʼebé Liurai Ciro foti nuʼudar governadór.+

16 Depois neʼe, Sesbazar mai toʼo Jeruzalein, no nia harii fundasaun ba Maromak nia uma.+ Ami komesa atu harii fali uma neʼe husi tempu neʼebá, maibé agora ami seidauk harii hotu.’+