17 Kuandu rai nakukun ona, Jesus mai ho sira naʼin Sanulu-Resin-Rua.+ 18 No bainhira sira tuur iha meza no han hela, Jesus dehan: “Haʼu hatete loloos ba imi katak, imi ida neʼebé han hamutuk ho haʼu sei entrega haʼu ba inimigu nia liman.”+ 19 Sira hahú sai laran-triste no sira ida-idak hatete ba nia: “Laʼós haʼu, loos ka lae?” 20 Nia hatete ba sira: “Imi naʼin Sanulu-Resin-Rua neʼe ida, neʼebé hatama liman iha manko laran hamutuk ho haʼu mak sei entrega haʼu ba inimigu nia liman.+ 21 Tanba Oan-Mane husi Ema* sei mate, hanesan hakerek nanis ona kona-ba nia, maibé susar ba ema neʼebé entrega Oan-Mane neʼe ba inimigu nia liman!+ Diʼak liu se ema neʼe la moris mai.”+

14 Kuandu tempu toʼo ona, Jesus tuur iha meza hamutuk ho ninia apóstolu sira.+