15 Pedro hatete ba Jesus: “Esplika ai-knanoik neʼe mai ami.” 16 Jesus hatán: “Imi mós seidauk komprende ka?+ 17 Imi la hatene ka? Buat hotu neʼebé tama ba ibun sei liu ba kabun no depois neʼe hasai tiha ba liʼur. 18 Maibé buat neʼebé sai husi ibun mai husi laran, no buat sira-neʼe mak hafoʼer ema.+ 19 Porezemplu, husi laran mak mosu hanoin aat+ hanesan oho ema, adultériu,* sala seksuál,* naʼok, fó sasin falsu no koʼalia lia­fuan aat.* 20 Buat sira-neʼe mak hafoʼer ema. Maibé han hodi la fase liman* la hafoʼer ema.”