3 Nia hanorin sira buat barak hodi konta ai-knanoik,+ dehan: “Toʼos-naʼin ida bá atu kari fini.+ 4 Bainhira nia kari hela fini, fini balu monu iha dalan ninin, no manu sira mai no han tiha.+ 5 Fini balu tan monu iha fatuk leten neʼebé iha rai uitoan deʼit, no fini sira-neʼe moris lalais tanba rai la kleʼan.+ 6 Maibé kuandu loro-matan saʼe, loron manas kona fini sira-neʼe, no tanba sira-nia abut la naruk, sira sai namlaek no mate. 7 Fini seluk monu iha ai-tarak laran, no ai-tarak sira-neʼe sai boot no hanehan fini sira-neʼe.+ 8 Fini seluk tan monu iha rai neʼebé diʼak, no sira komesa fó fuan. Balu dala 100, balu dala 60, no balu seluk dala 30.+ 9 Ema neʼebé iha tilun, rona bá.”+

3 “Rona bá! Toʼos-naʼin ida bá atu kari fini.+ 4 Bainhira nia kari hela fini, fini balu monu iha dalan ninin, no manu sira mai no han tiha. 5 Fini balu tan monu iha fatuk leten neʼebé iha rai uitoan deʼit, no fini sira-neʼe moris lalais tanba rai la kleʼan.+ 6 Maibé kuandu loro-matan saʼe, loron manas kona fini sira-neʼe, no tanba sira-nia abut la naruk, sira sai namlaek no mate. 7 Fini seluk monu iha ai-tarak laran, no ai-tarak sira-neʼe sai boot no hanehan fini sira-neʼe, no sira la fó fuan.+ 8 Maibé fini seluk tan monu iha rai neʼebé diʼak, sira moris no sai boot, no sira komesa fó fuan. Balu fó fuan dala 30, balu dala 60, no balu dala 100.”+ 9 Nia dehan tan: “Ema neʼebé iha tilun, rona bá.”+

12 Fini neʼebé monu iha dalan ninin mak ema sira neʼebé rona liafuan neʼe, no Diabu mai no hasai kedas liafuan neʼe husi sira-nia laran atu nuneʼe sira labele fiar no hetan salvasaun.+