• Isaias 53:7, 8
    Bíblia Sagrada Tradusaun Mundu Foun

    •  7 Ema hanehan nia+ no nia husik ema haterus nia,+

      Maibé nia lakohi loke ninia ibun.

      Ema lori nia hanesan lori bibi-malae atu bá oho,+

      Hanesan bibi-malae inan neʼebé nonook bainhira ema koi ninia fulun,

      Nia la loke ninia ibun.+

       8 Ema halakon ninia moris* tanba sira tesi-lia la tuir justisa;

      Sé mak sei hanoin didiʼak kona-ba ninia jerasaun?*

      Tanba ema oho nia husi ema moris nia leet;+

      Tanba haʼu-nia povu sira-nia sala mak nia hetan baku.*+

  • Daniel 9:26
    Bíblia Sagrada Tradusaun Mundu Foun

    • 26 No liutiha semana 62, ema sei oho Mesias,+ nia sei la husik hela buat ida.+

      “No tropa sira neʼebé tuir ulun-naʼin ida neʼebé atu mai mak sei harahun sidade no fatin santu.+ Neʼe sei lakon hanesan bainhira bee-saʼe. No sei iha funu toʼo rohan; no Maromak deside ona katak neʼe sei rahun duni.+

  • Apóstolu 4:27, 28
    Bíblia Sagrada Tradusaun Mundu Foun

    • 27 Tuir loloos, Herodes no Pónsio Pilatos,+ hamutuk ho ema husi nasaun sira no mós povu Izraél halibur iha sidade neʼe hodi kontra Ita-nia atan santu, Jesus, neʼebé Ita hili* ona.+ 28 Sira halibur hamutuk atu halo buat neʼebé Ita fó-hatene nanis ona.+ Buat sira-neʼe akontese tanba Ita iha kbiit* no tanba Ita-nia konsellu.