7 Ema hanehan nia+ no nia husik ema haterus nia,+
Maibé nia lakohi loke ninia ibun.
Ema lori nia hanesan lori bibi-malae atu bá oho,+
Hanesan bibi-malae inan neʼebé nonook bainhira ema koi ninia fulun,
Nia la loke ninia ibun.+
8 Ema halakon ninia moris tanba sira tesi-lia la tuir justisa;
Sé mak sei hanoin didiʼak kona-ba ninia jerasaun?
Tanba ema oho nia husi ema moris nia leet;+
Tanba haʼu-nia povu sira-nia sala mak nia hetan baku.+
9 Maski nia la halo sala ida
No lia-bosok ida la sai husi ninia ibun,+
Maibé ema fó hakoi-fatin ba nia iha ema aat sira-nia leet,+
No bainhira nia mate, ema hakoi nia hamutuk ho ema riku.+