12 Jeová dehan ba Abram: “Sai husi ó-nia rai no husik ó-nia família sira no ó-nia aman nia umakain hodi bá rai neʼebé haʼu sei hatudu ba ó.+ 2 Haʼu sei halo ó sai nasaun boot ida, no haʼu sei haraik bensaun ba ó, no haʼu sei halo ó naran-boot, no ema seluk sei hetan bensaun tanba ó.+ 3 Haʼu sei haraik duni bensaun ba ema neʼebé fó bensaun ba ó, no haʼu sei fó-malisan ba ema neʼebé hotar ó,+ no família hotu iha rai sei hetan duni bensaun* liuhusi ó.”+

7 Tuirmai Jeová mosu ba Abram no dehan: “Haʼu sei fó rai neʼe ba ó-nia bei-oan.”+ Entaun, iha fatin neʼe Abram harii altár ida ba Jeová, neʼebé mosu ona ba nia.

14 Depois Lot haketak an tiha husi Abram, Jeová dehan ba Abram: “Favór ida, foti matan no haree rai neʼe husi ó-nia fatin, haree ba parte norte no súl, ba parte leste no oeste, 15 tanba rai hotu neʼebé ó haree, haʼu sei fó ba ó no ó-nia bei-oan nuʼudar liman-rohan ba nafatin.+

7 “Haʼu sei kumpre haʼu-nia aliansa entre haʼu ho ó+ no ó-nia bei-oan husi jerasaun ba jerasaun, atu sai ó-nia Maromak no mós ó-nia bei-oan nia Maromak. Neʼe mak aliansa neʼebé sei iha ba nafatin.

17 haʼu sei haraik duni bensaun ba ó no haʼu sei halo duni ó-nia bei-oan sai barak hanesan fitun iha lalehan no rai-henek iha tasi-ibun,+ no ó-nia bei-oan sei manán ninia inimigu nia sidade sira.*+ 18 Liuhusi ó-nia bei-oan+ mak nasaun sira hotu iha mundu sei hetan bensaun* tanba ó rona ba haʼu-nia liafuan.’”+

7 Jeová, Maromak lalehan nian, mak lori haʼu sai husi haʼu-nia aman nia uma no husi haʼu-nia família nia rai,+ no nia koʼalia ho haʼu hodi jura ba haʼu,+ dehan: ‘Haʼu sei fó rai neʼe ba ó-nia bei-oan.’+ Nia mós sei haruka ninia anju bá uluk liu ó,+ no ó sei hetan duni feto ida ba haʼu-nia oan-mane husi fatin neʼebá.+