2 Agora iha loron sira-neʼe nia rohan, nia koʼalia ona ba ita liuhusi ninia Oan-Mane,+ neʼebé nia hili atu simu buat hotu nuʼudar liman-rohan,+ no liuhusi nia mak Maromak halo buat neʼebé iha mundu no mós iha lalehan.*+

2 Tanba se liafuan* neʼebé koʼalia liuhusi anju sira+ mak loos, no hahalok sala hotu no hahalok kontra ukun-fuan simu ona kastigu tuir justisa,+ 3 entaun oinsá mak ita bele halai sees husi kastigu se ita husik ona mensajen kona-ba salvasaun neʼebé boot liu?+ Tanba ita-nia Naʼi hahú koʼalia+ kona-ba salvasaun neʼe no ema sira neʼebé rona nia fó sai ba ita katak ninia liafuan neʼe mak loos duni, 4 no Maromak mós fó sasin hamutuk ho sira kona-ba neʼe liuhusi sinál, milagre no buat kmanek oioin+ no mós espíritu santu neʼebé nia fahe ba ninia atan sira tuir ninia hakarak.+