Salmo
95 Mai, mai ita haklalak ho haksolok hodi hahiʼi Jeová!
Mai ita haklalak ho lian manán nian hodi hahiʼi ita-nia Fatuk Boot neʼebé fó salvasaun.+
2 Mai ita tama no hamriik iha ninia oin hodi fó agradese;+
Mai ita kanta no haklalak ho lian manán nian hodi hahiʼi nia.
3 Tanba Jeová mak Maromak neʼebé boot,
Liurai neʼebé boot liu maromak sira seluk hotu.+
4 Fatin neʼebé kleʼan liu iha rai mak iha ninia liman;
No foho-tutun sira mak ninian.+
6 Mai, mai ita adora no hakruʼuk ba nia;
Mai ita hakneʼak iha Jeová, ita-nia Kriadór, nia oin.+
7 Tanba nia mak ita-nia Maromak,
No ita mak ninia povu,
Nia tau matan ba ita hanesan ema tau matan ba bibi-malae iha rai-luan.*+
Se ohin loron imi rona ba ninia lian,+
8 Keta sai ulun-toos* hanesan imi-nia beiʼala sira halo iha Meribá,*+
No hanesan tempu neʼebé sira iha Massá* iha rai-fuik,+
9 Bainhira imi-nia beiʼala sira koko haʼu;+
Sira sadik haʼu, maski sira haree ona haʼu-nia hahalok sira.+
10 Durante tinan 40 haʼu hakribi jerasaun neʼe, no haʼu dehan:
“Sira mak povu neʼebé laran sempre dook husi haʼu;
Sira la hatene haʼu-nia dalan sira.”
11 Tan neʼe, ho hirus haʼu jura hodi dehan:
“Sira sei la tama iha haʼu-nia fatin deskansa nian.”+