Primeiru Krónikas

7 Issacar nia oan-mane naʼin-haat mak Tola, Puá, Jasub no Sinrom.+ 2 Tola nia oan-mane sira mak Uzi, Refaias, Jeriel, Jamai, Ibsam no Semuel. Sira mak ulun-naʼin ba sira-nia aman nia umakain. Tola nia bei-oan sira mak funu-naʼin neʼebé kbiit boot. Iha David nia tempu, sira hamutuk naʼin-22.600. 3 Uzi nia bei-oan* mak Izraias. Izraias nia oan-mane sira mak Micael, Obadias, Joel no Isias. Sira naʼin-lima hotu mak xefe. 4 Tropa neʼebé hamutuk ho sira, husi sira-nia aman nia umakain no sira-nia jerasaun, mak hamutuk naʼin-36.000 neʼebé prontu atu bá funu. Sira iha tropa barak tanba sira iha feen no oan-mane barak iha sira-nia umakain. 5 No sira-nia maun-alin husi Issacar nia família hotu mak funu-naʼin neʼebé kbiit boot. Sira hotu hamutuk naʼin-87.000 neʼebé hakerek iha lista naran nian tuir sira-nia liña jerasaun.+

6 Benjamim+ nia oan-mane naʼin-tolu mak Belá,+ Beker+ no Jediael.+ 7 Belá nia oan-mane naʼin-lima mak Esbon, Uzi, Uziel, Jerimot no Iri. Sira mak ulun-naʼin ba sira-nia umakain no funu-naʼin neʼebé kbiit boot, no iha tropa naʼin-22.034 neʼebé hakerek iha lista naran nian tuir sira-nia liña jerasaun.+ 8 Beker nia oan-mane sira mak Zemira, Joas, Eliezer, Elioenai, Onri, Jeremot, Abias, Anatot no Alemet. Sira hotu neʼe mak Beker nia oan-mane. 9 Sira iha funu-naʼin neʼebé kbiit boot hamutuk naʼin-20.200, tuir ulun-naʼin ba sira-nia aman nia umakain neʼebé hakerek iha lista naran nian tuir sira-nia liña jerasaun. 10 Jediael+ nia oan-mane mak Bilhan. Bilhan nia oan-mane sira mak Jeus, Benjamim, Ehud, Kenana, Zetan, Tarsis no Ahisaar. 11 Sira hotu mak Jediael nia jerasaun* neʼebé rejistu tuir sira-nia aman nia umakain, no iha funu-naʼin neʼebé kbiit boot hamutuk naʼin-17.200, neʼebé prontu atu bá funu.

12 Ema Supim no Hupim mak Ir nia bei-oan;*+ ema Husim mak Aher nia bei-oan.

13 Naftali+ nia oan-mane sira mak Jaziel, Guni, Jezer no Salum. Mane sira-neʼe mak Bila+ nia bei-oan.*

14 Manasés+ nia oan-mane mak Asriel. Asriel nia inan mak Manasés nia feen-kiʼik husi Síria. Feto Síria neʼe tuur-ahi Makir,+ Gilead nia aman. 15 Makir hili feto ida hodi sai Hupim nia feen no feto ida seluk hodi sai Supim nia feen, no ninia feton naran Maaka. No Manasés nia oan-mane segundu mak Zelofead,+ maibé Zelofead iha oan-feto sira deʼit.+ 16 Makir nia feen Maaka tuur-ahi oan-mane ida no hanaran nia Peres. Ninia alin-mane naran Seres, no Seres nia oan-mane sira mak Ulam no Rekem. 17 Ulam nia oan-mane* mak Bedan. Mane sira-neʼe mak Gilead nia jerasaun. Gilead nia aman mak Makir, no Makir nia aman mak Manasés. 18 No Gilead nia feton mak Hamoleket. Hamoleket tuur-ahi Isod, Abi-Ezer no Mala. 19 Semida nia oan-mane sira mak Ahian, Siquém, Liki no Aniam.

20 Efraim+ nia oan-mane mak Sutela,+ Sutela nia oan-mane mak Bered, Bered nia oan-mane mak Tahat, Tahat nia oan-mane mak Eleada, Eleada nia oan-mane mak Tahat, 21 Tahat nia oan-mane mak Zabad, Zabad nia oan-mane mak Sutela. Efraim nia oan-mane sira seluk mak Ezer no Elead. Loron ida mane Gat+ sira neʼebé moris iha rai neʼe bá naʼok Efraim nia oan sira-nia animál-hakiak no oho tiha Ezer no Elead. 22 Sira-nia aman Efraim tanis ba loron barak, no ninia maun-alin sira kontinua bá fó kmaan ba nia. 23 Depois neʼe, nia halo relasaun ho ninia feen, no ninia feen sai isin-rua no tuur-ahi oan-mane ida. Efraim hanaran oan neʼe Berias* tanba feto neʼe tuur-ahi iha tempu neʼebé susar mosu iha ninia família. 24 No ninia oan-feto mak Seera, neʼebé harii Bet-Horom Kraik+ ho Bet-Horom Leten,+ no mós Uzen-Seera. 25 No ninia oan-mane sira mak Refa no Resef. Resef nia oan-mane mak Tela, Tela nia oan-mane mak Tahan, 26 Tahan nia oan-mane mak Ladan, Ladan nia oan-mane mak Amiud, Amiud nia oan-mane mak Elisama, 27 Elisama nia oan-mane mak Nun, no Nun nia oan-mane mak Josué.*+

28 Sira-nia liman-rohan no sira-nia hela-fatin mak iha Betel+ ho ninia sidade kiʼik sira,* toʼo Naaran iha sorin parte leste, no toʼo Gezer iha sorin parte oeste ho ninia sidade kiʼik sira, no Siquém ho ninia sidade kiʼik sira, toʼo Aia* ho ninia sidade kiʼik sira; 29 Bet-Sean+ ho ninia sidade kiʼik sira, neʼebé besik ema Manasés nia rai, Taanak+ ho ninia sidade kiʼik sira, Megido+ ho ninia sidade kiʼik sira, no Dor+ ho ninia sidade kiʼik sira. José nia bei-oan sira hela iha fatin sira-neʼe. José mak Izraél nia oan-mane.

30 Aser nia oan-mane sira mak Imná, Isva, Isvi no Berias.+ Sira-nia feton mak Sera.+ 31 Berias nia oan-mane sira mak Heber no Malkiel. Malkiel mak Birzavit nia aman. 32 Heber nia oan-mane sira mak Jaflet, Somer no Hotam, no sira-nia feton mak Sua. 33 Jaflet nia oan-mane sira mak Pasak, Bimal no Asvat. Sira mak Jaflet nia oan-mane. 34 Semer* nia oan-mane sira mak Ahis, Roga, Jeuba no Aram. 35 Semer nia alin-mane Helem* nia oan-mane sira mak Zofa, Imna, Seles no Amal. 36 Zofa nia oan-mane sira mak Suá, Harnefer, Sual, Beri, Inra, 37 Bezer, Hod, Sama, Silsa, Itran no Beera. 38 Jeter nia oan-mane sira mak Jefuné, Pispa no Ara. 39 Ula nia oan-mane sira mak Ará, Haniel no Rizia. 40 Sira hotu neʼe mak Aser nia oan-mane. Sira mak ulun-naʼin ba sira-nia aman nia umakain, funu-naʼin neʼebé kbiit boot no aten-brani, ulun-naʼin ba xefe sira. Sira hamutuk tropa naʼin-26.000+ neʼebé prontu atu bá funu, tropa sira-neʼe nia naran hakerek iha lista naran nian tuir sira-nia liña jerasaun.+