Salmo

Diʼak duni atu kanta knananuk hahiʼi nian* ba ita-nia Maromak;

Diʼak tebes no loos atu fó hahiʼi ba nia!+

 2 Jeová mak harii Jeruzalein;+

Nia halibur fali ema Izraél sira neʼebé namkari.+

 3 Nia kura ema neʼebé laran-kanek;

Nia falun sira-nia kanek.

 4 Nia sura fitun sira;

Nia bolu sira hotu tuir ida-idak nia naran.+

 5 Ita-nia Naʼi mak boot no nia iha kbiit boot;+

Ema labele sukat ninia kbiit atu komprende.+

 6 Jeová foti saʼe ema laran-maus,+

Maibé nia soe tun ema aat ba rai.

 7 Kanta ba Jeová hodi fó agradese;

Kanta knananuk hahiʼi nian ba ita-nia Maromak hodi akompaña ho arpa,

 8 Nia mak Ida neʼebé taka lalehan ho kalohan sira,

Ida neʼebé fó udan ba rai,+

No Ida neʼebé halo duʼut moris+ iha foho sira.

 9 Nia fó hahán ba animál sira,+

Nia fó hahán ba manu-metan nia oan sira neʼebé hakilar hodi buka hahán.+

10 Nia la haksolok ho kuda nia kbiit;+

No mós la gaba mane nia ain neʼebé iha forsa.+

11 Jeová kontente ho ema neʼebé hamtaʼuk nia,+

No kontente ho sira neʼebé hein ba ninia domin neʼebé laran-metin.+

13 Nia halo metin ai-lolon neʼebé uza atu xave ó-nia sidade nia portaun sira;

Nia haraik bensaun ba ó-nia oan-mane sira iha ó-nia leet.

14 Nia lori dame ba ó-nia rai;+

Nia halo ó bosu ho trigu neʼebé diʼak liu.+

15 Nia haruka ninia mandamentu ba rai;

Ninia liafuan halai lalais.

16 Nia taka rai ho jelu-rahun hanesan manta mutin husi bibi-malae nia fulun;+

Nia halo jelu-rahun namkari hanesan ahi-kadesan.+

19 Nia fó sai ninia liafuan ba Jacob,

No fó sai ninia ukun-fuan no desizaun ba Izraél.+

20 Nia seidauk halo hanesan neʼe ba nasaun sira seluk;+

Sira la hatene ninia desizaun sira.