Salmo
David nia miktam.*
16 Oh Maromak, proteje haʼu bá, tanba haʼu buka ona protesaun husi Ita.+
2 Haʼu hatete ona ba Jeová: “Ita mak Jeová, Hun ba buat diʼak hotu neʼebé haʼu simu.
4 Ema sira neʼebé buka atu serbí maromak sira seluk sei hetan susar barak.+
Haʼu sei nunka hasaʼe sakrifísiu raan nian ba maromak sira-neʼe,
No haʼu-nia ibun sei nunka temi sira-nia naran.+
5 Jeová mak haʼu-nia parte,+ no nia halo haʼu-nia kopu nakonu.+
Ita proteje haʼu-nia liman-rohan.
6 Rai neʼebé Ita sukat ona ba haʼu nuʼudar liman-rohan mak furak tebes.
Haʼu kontente ona ho haʼu-nia liman-rohan.+
7 Haʼu sei hahiʼi Jeová, neʼebé fó ona matadalan ba haʼu.+
Durante kalan mós haʼu-nia hanoin sira* korrije haʼu.+
8 Jeová sempre iha haʼu-nia oin.+
Haʼu sei nunka nakdedar* tanba nia iha haʼu-nia liman-loos.+
9 Tan neʼe mak haʼu-nia laran kontente, haʼu* haksolok tebes.
No haʼu moris ho hakmatek.
10 Tanba Ita sei la husik hela haʼu* iha rate* laran.+
Ita sei la husik Ita-nia atan neʼebé laran-metin ba Ita atu haree rai-kuak.*+
11 Ita halo haʼu hatene dalan moris nian.+