Primeiru Samuel

18 Bainhira Jonatan rona tiha David koʼalia ba Saul, Jonatan+ no David sai belun diʼak neʼebé laran-metin ba malu, no Jonatan komesa hadomi nia hanesan ninia an rasik.+ 2 Hahú husi loron neʼe, Saul haruka David atu kontinua serbisu ba nia, no Saul la husik nia fila fali ba ninia aman nia uma.+ 3 Jonatan ho David halo aliansa ida,+ tanba Jonatan hadomi David hanesan ninia an rasik.+ 4 Jonatan hasai ninia roupa neʼebé la iha liman, hamutuk ho ninia roupa funu nian, surik, rama no sintu hodi fó ba David. 5 Iha fatin naran deʼit neʼebé Saul haruka David bá atu halo funu, nia sempre bá no hetan susesu.*+ Entaun Saul hili David atu tau matan ba funu-naʼin sira,+ no neʼe halo povu hotu kontente no Saul nia atan sira mós kontente.

6 Bainhira David no ema seluk manán funu hasoru ema Filístia no fila fali ona, feto sira sai mai husi sidade hotu iha Izraél ho kontente atu hasoru Liurai Saul hodi kanta knananuk,+ dansa, baku tamborín,+ no toka instrumentu neʼebé iha talin tolu.* 7 Feto sira neʼebé selebra ida-neʼe kanta ho liafuan tuirmai neʼe:

8 Saul sai hirus tebes,+ no nia la gosta knananuk neʼe, tanba nia dehan: “Sira gaba David katak nia oho ema naʼin-rihun sanulu, maibé sira gaba haʼu katak haʼu oho ema naʼin-rihun ida. Hela deʼit kbiit nuʼudar liurai+ mak sira seidauk fó ba nia!” 9 Hahú husi tempu neʼe, Saul sempre deskonfia David.

10 Loron tuirmai bainhira David toka hela arpa+ hanesan baibain, Maromak husik Saul nia hanoin rasik halo nia sai neon-susar,*+ no nia komesa hatudu hahalok neʼebé la hanesan baibain* iha uma laran. Saul kaer hela diman,+ 11 no tuda diman neʼe+ hodi hanoin: ‘Haʼu sei sona rabat David ba didin!’ Nia tuda diman dala rua, maibé David sees husi nia. 12 Tuirmai Saul sai taʼuk ba David tanba Jeová hamutuk ho nia+ maibé husik ona Saul.+ 13 Entaun Saul haruka David sai husi ninia oin no hili David nuʼudar xefe ba tropa naʼin-1.000, no David dirije tropa sira-neʼe hodi bá funu.*+ 14 David kontinua hetan susesu*+ iha buat hotu neʼebé nia halo, no Jeová hamutuk ho nia.+ 15 Bainhira Saul haree katak David sempre hetan susesu, nia sai taʼuk ba David. 16 Maibé ema Izraél no ema Judá hotu hadomi David, tanba nia dirije sira hodi halo funu oioin.

17 Depois neʼe, Saul hatete ba David: “Haʼu-nia oan-feto primeiru Merab+ mak neʼe. Haʼu sei entrega nia atu sai ó-nia feen.+ Maibé, ó tenke kontinua serbisu ba haʼu ho aten-brani no halo Jeová nia funu sira.”+ Tanba Saul hanoin: ‘Haʼu-nia liman rasik sei la kontra hasoru nia. Husik deʼit ema Filístia nia liman mak oho nia.’+ 18 Ho ida-neʼe, David hatete ba Saul: “Haʼu neʼe sé? Iha Izraél, haʼu-nia aman nia família mak sé? Oinsá mak haʼu bele sai liurai nia mane-foun?”+ 19 Maibé, bainhira tempu toʼo atu Saul entrega ninia oan-feto Merab ba David, Saul entrega ona nia ba Adriel,+ ema Mehola, nuʼudar ninia feen.

20 Saul nia oan-feto Mical+ hadomi David, no ema fó-hatene kona-ba neʼe ba Saul, no nia kontente ho ida-neʼe. 21 Entaun Saul hatete: “Haʼu sei entrega feto neʼe hodi sai nuʼudar lasu ba nia, atu nuneʼe ema Filístia bele oho nia.”+ Tuirmai Saul hatete ba David ba dala segundu: “Ohin ita sei halo aliansa kaben nian atu ó sai haʼu-nia mane-foun.” 22 Liután neʼe, Saul haruka ninia atan dehan: “Bá koʼalia subasubar ho David, hodi dehan: ‘Liurai kontente ho ó, no ninia atan hotu mós gosta ó. Entaun agora halo aliansa kaben nian ho liurai.’” 23 Bainhira Saul nia atan sira fó sai neʼe ba David, nia dehan: “Tuir imi-nia hanoin, neʼe mak buat kiʼik deʼit atu haʼu halo aliansa kaben nian ho liurai ka? Haʼu mak ema kiak no folin-laek.”+ 24 Tuirmai Saul nia atan sira dehan fali ba Saul: “Neʼe mak liafuan neʼebé David koʼalia.”

25 Rona tiha neʼe, Saul dehan: “Neʼe mak buat neʼebé imi tenke dehan ba David: ‘Liurai lakohi simu barlake,+ nia hakarak deʼit simu mane Filístia naʼin-100 nia kulit husi oin-lulik,+ hodi selu fali ba liurai nia inimigu sira.’” Tanba Saul planu atu oho David liuhusi ema Filístia nia liman. 26 Entaun Saul nia atan sira fó sai fali liafuan neʼe ba David, no David kontente atu halo aliansa kaben nian ho liurai.+ Antes tempu neʼebé deside ona, 27 David hamutuk ho ninia tropa bá oho mane Filístia naʼin-200, no David lori ema sira-neʼe hotu nia kulit husi oin-lulik atu fó ba liurai, hodi halo aliansa kaben nian ho liurai. Nuneʼe, Saul entrega ninia oan-feto Mical nuʼudar David nia feen.+ 28 Saul haree katak Jeová hamutuk ho David+ no katak ninia oan-feto Mical hadomi David.+ 29 Ida-neʼe halo Saul taʼuk liután ba David, no hahú husi tempu neʼe, Saul sai inimigu ba David iha ninia moris tomak.+

30 Ema Filístia nia ulun-naʼin sira halo funu hasoru ema Izraél, maibé bainhira sira halo funu, David sempre hetan susesu barak liu* fali Saul nia atan sira seluk;+ nuneʼe David hetan naran-boot.+