Tito

3 Kontinua fó-hanoin sira atu hakruʼuk no halo tuir governu no autoridade sira,+ no sai prontu atu halo serbisu diʼak hotu, 2 la koʼalia aat kona-ba ema ida, la istori malu, la ulun-toos,*+ no hatudu laran-maus ba ema hotu.+ 3 Tanba uluk ita mós beik, la halo tuir Maromak, ema lohi ita, ita sai atan ba hakarak oioin no buka ksolok deʼit, ita moris iha dalan neʼebé aat no laran-moras, ita mak ema neʼebé aat tebes, no odi malu.

4 Maibé, ita-nia Salvadór, Maromak, hatudu sai ona ninia laran-diʼak+ no domin ba ema. 5 Nia salva ita tanba ninia laran-sadiʼa,+ laʼós tanba ita halo ona buat neʼebé loos.+ Nia salva ita liuhusi bee* neʼebé lori moris ba ita+ no liuhusi espíritu santu neʼebé hafoun ita.+ 6 Nia fakar espíritu neʼe barak* mai ita liuhusi Jesus Kristu ita-nia Salvadór,+ 7 atu nuneʼe kuandu Maromak haree ona ita nuʼudar ema laran-loos liuhusi ninia laran-diʼak neʼebé boot,+ ita bele iha esperansa atu simu moris rohan-laek nuʼudar liman-rohan.+

8 Ita bele tau fiar ba liafuan sira-neʼe, no haʼu hakarak ó atu hanorin beibeik buat sira-neʼe, atu nuneʼe sira neʼebé fiar Maromak bele hanoin deʼit kona-ba halo nafatin serbisu diʼak. Buat sira-neʼe mak diʼak no fó benefísiu ba ema.

9 Maibé hasees an husi haksesuk malu kona-ba buat neʼebé beik, lista kona-ba beiʼala sira-nia naran, hirus malu no diskute malu kona-ba Ukun-Fuan, tanba buat sira-neʼe la lori buat diʼak ida no saugati deʼit.+ 10 Kona-ba ema neʼebé habelar hanorin falsu,*+ ó tenke fó konsellu makaʼas*+ ba nia dala ida no dala rua, no se nia la rona, keta ransu tan ho nia,+ 11 tanba ó hatene katak ema hanesan neʼe laʼo sees ona husi dalan loos no halo sala, no ninia hahalok rasik mak duun nia.

12 Kuandu haʼu haruka Ártemas ka Tíkiko+ ba ó, hakaʼas an atu mai vizita haʼu iha Nikópolis, tanba haʼu deside ona atu hela iha neʼebá durante tempu malirin. 13 Hakaʼas an atu ajuda Zenas, neʼebé hatene didiʼak Ukun-Fuan, no mós Apolo, atu nuneʼe sira labele falta buat ida ba sira-nia viajen.+ 14 Maibé ita-nia maluk sira mós tenke aprende atu halo serbisu diʼak hodi apoia ema seluk neʼebé presiza ajuda,+ atu nuneʼe sira bele halo nafatin hahalok diʼak.*+

15 Sira hotu neʼebé hamutuk ho haʼu haruka sira-nia kumprimentus ba ó. Fó haʼu-nia kumprimentus ba maluk fiar-naʼin sira neʼebé hadomi ami.

Haʼu harohan katak Maromak sei haraik ninia laran-diʼak neʼebé boot ba imi hotu.