Salmo
118 Fó agradese ba Jeová, tanba nia mak diʼak;+
Ninia domin neʼebé laran-metin iha ba nafatin.
2 Husik Izraél dehan:
“Ninia domin neʼebé laran-metin iha ba nafatin.”
3 Husik sira neʼebé husi Arão nia umakain dehan:
“Ninia domin neʼebé laran-metin iha ba nafatin.”
4 Husik sira neʼebé hamtaʼuk Jeová dehan:
“Ninia domin neʼebé laran-metin iha ba nafatin.”
6 Jeová iha haʼu-nia sorin; haʼu sei nunka taʼuk.+
Saida mak ema bele halo ba haʼu?+
7 Jeová iha haʼu-nia sorin nuʼudar haʼu-nia ajuda-naʼin;*+
Haʼu sei haree sira neʼebé odi haʼu monu.+
8 Diʼak liu buka protesaun husi Jeová
Duké tau fiar ba ema.+
9 Diʼak liu buka protesaun husi Jeová
Duké tau fiar ba ulun-naʼin sira.+
11 Sira haleʼu haʼu, sin, sira haleʼu haʼu,
Maibé hodi Jeová nia naran,
Haʼu duni sira fila.
12 Sira haleʼu haʼu hanesan bani,
Maibé sira lakon lalais hanesan ai-tarak neʼebé ahi han.
Hodi Jeová nia naran,
Haʼu duni sira fila.+
13 Sira* dudu haʼu makaʼas atu halo haʼu monu,
Maibé Jeová ajuda haʼu.
14 Jah mak haʼu-nia fatin mahon no haʼu-nia kbiit,
No nia sai ona haʼu-nia salvadór.+
15 Lian haksolok no salvasaun* nian
Mak iha ema laran-loos nia tenda sira.
Jeová nia liman-loos hatudu sai ninia forsa.+
16 Jeová foti saʼe ona ninia liman-loos;
Jeová nia liman-loos hatudu sai ninia forsa.+
17 Haʼu sei la mate, sin, haʼu sei moris,
Atu nuneʼe haʼu bele fó sai buat sira neʼebé Jah halo ona.+
19 Imi povu sira, loke portaun hahalok loos nian ba haʼu;+
Haʼu sei tama liu portaun sira-neʼe no fó hahiʼi ba Jah.
20 Neʼe mak Jeová nia portaun.
Ema laran-loos sei tama liuhusi neʼe.+
21 Haʼu sei hahiʼi Ita, tanba Ita hatán ona haʼu+
No Ita sai ona haʼu-nia salvadór.
24 Neʼe mak loron neʼebé Jeová tau ona;
Ita sei haksolok no kontente iha loron neʼe.
25 Oh Jeová, ami husu, favór ida, salva ami!
Jeová, favór ida, halo ami manán!
27 Jeová mak Maromak;
Nia fó naroman mai ita.+
Laʼo bá hamutuk ho sira neʼebé atu bá selebra festa hodi kaer ai-sanak sira,+
Laʼo toʼo besik altár nia dikur sira.+
28 Ita mak haʼu-nia Maromak, no haʼu sei hahiʼi Ita;
Haʼu-nia Maromak, haʼu sei fó glória ba Ita.+