Salmo
David nia knananuk.
27 Jeová mak haʼu-nia naroman+ no nia mak salva haʼu.
Haʼu sei taʼuk ba sé?+
Jeová mak proteje haʼu-nia moris.+
Haʼu sei nakdedar ba sé?
Maski ema halo funu hasoru haʼu,
Haʼu nafatin fiar metin.
4 Haʼu husu ona buat ida deʼit ba Jeová,
No neʼe mak buat neʼebé haʼu hakarak,
Katak haʼu bele hela iha Jeová nia uma durante haʼu-nia moris tomak,+
Atu hateke ba Jeová nia laran-diʼak*
5 Tanba nia sei subar haʼu iha ninia fatin protesaun iha tempu susar;+
Nia sei subar haʼu iha fatin segredu iha ninia tenda laran;+
Nia sei tau haʼu iha fatuk aas nia leten.+
6 Agora haʼu manán ona* haʼu-nia inimigu sira neʼebé haleʼu haʼu;
Haʼu sei hasaʼe sakrifísiu iha ninia tenda ho haklalak haksolok nian;
Haʼu sei kanta knananuk hahiʼi nian* ba Jeová.
7 Oh Jeová, rona haʼu bainhira haʼu halerik hodi husu ajuda;+
Hatudu laran-diʼak mai haʼu no hatán haʼu.+
8 Haʼu-nia laran dehan: “Ita haruka ona ami:
‘Buka haʼu bá.’”
Oh Jeová, haʼu sei buka Ita.+
9 Keta subar Ita-nia oin husi haʼu.+
Keta fila kotuk ba Ita-nia atan ho hirus.
Ita mak haʼu-nia ajuda-naʼin;+
Keta husik haʼu ka soe hela haʼu, oh haʼu-nia Maromak neʼebé salva haʼu.
11 Oh Jeová, hanorin haʼu atu laʼo iha Ita-nia dalan sira,+
Dirije haʼu iha dalan neʼebé loos hodi proteje haʼu husi haʼu-nia inimigu sira.
12 Keta entrega haʼu ba haʼu-nia inimigu sira,+
Tanba sira neʼebé fó sasin falsu hamriik ona hodi kontra haʼu,+
No sira ameasa atu halo violénsia ba haʼu.
13 Se haʼu la fiar katak haʼu bele haree
Jeová nia laran-diʼak iha ema moris nia leet, agora haʼu iha neʼebé?*+
Sin, tau esperansa ba Jeová.