Salmo
Ba dirijente. David nia knananuk.
20 Ami hein katak Jeová sei hatán ba Ita* iha tempu susar.
Ami hein katak Jacob nia Maromak nia naran sei proteje Ita.+
3 Ami hein katak nia sei hanoin-hetan sakrifísiu hotu neʼebé Ita hasaʼe;
Ami hein katak nia sei simu Ita-nia sakrifísiu sunu nian ho kontente.* (Sela)
4 Ami hein katak nia sei fó buat neʼebé Ita-nia laran hakarak+
No halo Ita-nia planu* hotu sai susesu.
5 Ami sei haklalak ho haksolok tanba salvasaun husi Ita;+
Ami sei hiʼit saʼe sinál hodi hahiʼi ami-nia Maromak nia naran.+
Ami hein katak Jeová sei kumpre buat hotu neʼebé Ita husu.
6 Agora ami* hatene katak Jeová salva ema neʼebé nia hili* ona.+
No husi ninia fatin santu iha lalehan, nia hatán ba ema neʼe,
7 Ema balu tau fiar ba sira-nia kuda-karreta funu nian, no balu tan tau fiar ba sira-nia kuda sira,+
Maibé ita sei bolu ita-nia Maromak Jeová nia naran.+
8 Sira sidi no monu ona,
Maibé ita hadeer no hamriik fali.+
9 Oh Jeová, salva liurai bá!+
Nia sei hatán ba ami iha loron neʼebé ami bolu hodi husu ajuda.+