Salmo
Asaf+ nia knananuk.
79 Oh Maromak, nasaun sira okupa tiha Ita-nia liman-rohan;+
Sira hafoʼer tiha Ita-nia templu santu;+
Sira halo Jeruzalein sai sidade neʼebé rahun.+
2 Sira entrega ona Ita-nia atan sira-nia mate-isin ba manu sira iha lalehan nuʼudar ai-han
No mate-isin husi ema neʼebé laran-metin ba Ita sai ai-han ba animál fuik iha rai.+
3 Sira fakar Ita-nia atan sira-nia raan hanesan fakar bee haleʼu Jeruzalein,
No la iha tan ema ida atu hakoi sira.+
4 No sira neʼebé hela haleʼu ami, hatún no koʼalia aat ami;+
Sira neʼebé hela haleʼu ami, goza no hamnasa ami.
5 Oh Jeová, toʼo bainhira mak Ita sei hirus ami? Ba nafatin ka?+
Toʼo bainhira mak Ita-nia hirus lakan nafatin hanesan ahi?+
6 Fakar sai Ita-nia hirus ba nasaun sira neʼebé la hatene Ita
No ba ukun sira neʼebé la bolu Ita-nia naran.+
7 Tanba sira han mohu ona Jacob
No estraga ona ninia hela-fatin.+
8 Keta kastigu ami tanba ami-nia beiʼala sira-nia sala.+
Favór ida, hatudu lalais laran-sadiʼa ba ami,+
Tanba ami sai kbiit-laek ona.
9 Oh Maromak, ami-nia salvadór,+ ajuda ami bá,
Tanba Ita-nia naran neʼebé kmanek;
10 Tanbasá mak nasaun sira tenke dehan: “Sira-nia Maromak iha neʼebé?”+
Husik ami haree kuandu Ita hatudu sai iha nasaun sira-nia leet
Katak Ita selu fali ona ba ema neʼebé fakar Ita-nia atan sira-nia raan.+
11 Favór ida, rona ema dadur sira-nia halerik.+
Uza Ita-nia kbiit* boot hodi salva* sira neʼebé atu hetan kastigu-mate.*+