Primeiru Krónikas
24 Iha dalan tuirmai neʼe mak David fahe Arão nia jerasaun sira ba grupu-grupu: Arão nia oan-mane sira mak Nadab, Abiú,+ Eleazar no Itamar.+ 2 Maibé Nadab ho Abiú mate uluk liu sira-nia aman,+ no sira la iha oan-mane ida, maibé Eleazar+ ho Itamar kontinua serbí nuʼudar amlulik. 3 David hamutuk ho Zadoc+ husi Eleazar nia umakain no mós Itamar husi Ahimelec nia umakain fahe amlulik sira ba grupu oioin hodi halaʼo sira-nia knaar. 4 Maibé ulun-naʼin sira husi Eleazar nia umakain mak barak liu fali Itamar nia umakain. Tan neʼe, sira fahe ulun-naʼin sira hanesan tuirmai neʼe: Eleazar nia umakain iha ulun-naʼin 16 neʼebé tau matan ba sira-nia umakain, no Itamar nia umakain iha ulun-naʼin 8 neʼebé tau matan ba sira-nia umakain.
5 No sira mós dada sorteiu*+ hodi fó knaar ba Eleazar ho Itamar nia umakain, tanba xefe sira ba fatin santu no xefe sira neʼebé serbí Maromak loos hili husi Eleazar ho Itamar nia umakain. 6 Depois neʼe, sekretáriu Netanel nia oan-mane Semaias ema Levi, hakerek sira-nia naran iha liurai nia oin hamutuk ho ulun-naʼin, amlulik Zadoc,+ Abiatar+ nia oan-mane Ahimelec,+ no mós ulun-naʼin ba amlulik no ema Levi nia umakain sira. Sira hili família ida husi Eleazar nia jerasaun no família seluk husi Itamar nia jerasaun.
7 Tuirmai neʼe mak arranju neʼebé sira halo hodi tuir rezultadu husi dada sorteiu: primeiru mak Jeorib, segundu mak Jedaias, 8 terseiru mak Harim, haat mak Seorim, 9 lima mak Malquias, neen mak Mijamin, 10 hitu mak Hakoz, ualu mak Abias,+ 11 sia mak Jesua, sanulu mak Sekanias, 12 sanulu-resin-ida mak Eliasib, sanulu-resin-rua mak Jakim, 13 sanulu-resin-tolu mak Hupa, sanulu-resin-haat mak Jesebeab, 14 sanulu-resin-lima mak Bilga, sanulu-resin-neen mak Imer, 15 sanulu-resin-hitu mak Hezir, sanulu-resin-ualu mak Hapizez, 16 sanulu-resin-sia mak Petaias, ruanulu mak Jeezkel, 17 ruanulu-resin-ida mak Jakin, ruanulu-resin-rua mak Gamul, 18 ruanulu-resin-tolu mak Delaias, no ruanulu-resin-haat mak Mazias.
19 Sira halaʼo sira-nia serbisu tuir arranju neʼe+ bainhira sira tama ba Jeová nia uma hodi halaʼo knaar tuir ukun-fuan neʼebé sira-nia beiʼala Arão tau ona, hanesan Jeová, Izraél nia Maromak, fó sai ona ba Arão.
20 No Levi nia bei-oan sira seluk mak tuirmai neʼe: Amram+ nia oan-mane Subael;+ Subael nia oan-mane Jedeias; 21 husi umakain Reabias+ mak Reabias nia oan-mane Isias neʼebé serbí nuʼudar ulun-naʼin; 22 husi umakain Izar mak Selomot;+ no Selomot nia oan-mane Jaat; 23 husi Hebron nia oan-mane sira mak Jerias+ neʼebé serbí nuʼudar ulun-naʼin, segundu mak Amarias, terseiru mak Jaaziel, haat mak Jekameam; 24 Uziel nia oan-mane Miqueias; Miqueias nia oan-mane Samir. 25 Miqueias nia alin mak Isias; Isias nia oan-mane mak Zacarias.
26 Merari+ nia oan-mane sira mak Mali no Musi; Jaazias nia oan-mane mak Beno. 27 Merari nia jerasaun husi Jaazias mak Beno, Soam, Zakur no Ibri. 28 Mali nia oan-mane mak Eleazar, no Eleazar la iha oan-mane ida;+ 29 ninia jerasaun husi Kis mak Kis nia oan-mane Jerameel; 30 no Musi nia oan-mane sira mak Mali, Eder no Jerimot.
Neʼe mak Levi nia bei-oan sira tuir sira-nia umakain. 31 No sira mós dada sorteiu+ hodi fahe knaar hanesan sira-nia família husi Arão nia oan-mane sira halo iha Liurai David nia oin, hamutuk ho Zadoc, Ahimelec, no ulun-naʼin ba amlulik no ema Levi nia umakain sira. Sira haree maun nia umakain hanesan deʼit ho alin nia umakain.