Salmo
Ba dirijente: Knananuk neʼe atu akompaña ho instrumentu neʼebé iha talin. Asaf+ nia knananuk.
3 Iha neʼebá mak nia halo tohar rama-oan sira neʼebé lakan,
Harahun eskudu, surik no armas funu nian.+ (Sela)
4 Oh Maromak, Ita-nia naroman nabilan loos;*
Ita kmanek liu fali foho sira neʼebé animál siʼak sira hela bá.
5 Sira hadau tiha ema aten-brani nia sasán sira.+
Ema aten-brani sira toba-dukur ona;
Funu-naʼin sira hotu la iha ona kbiit.+
6 Oh Jacob nia Maromak, liuhusi Ita-nia liafuan korrije mak
Tropa neʼebé lori kuda-karreta no mós kuda sira toba-dukur loos.+
7 Ita deʼit mak kmanek tebes.*+
Sé mak bele tahan Ita-nia hirus makaʼas?+
8 Ita fó sai Ita-nia desizaun husi lalehan;+
Rai sai taʼuk hodi nonook deʼit+
9 Bainhira Maromak hamriik hodi halaʼo tesi-lia
No salva ema laran-maus hotu iha rai.+ (Sela)
10 Tanba rezultadu husi ema nia hirus sei lori glória ba Ita;+
No ho ema nia laran-nakali neʼebé ikus mak Ita hafurak Ita-nia an.
11 Halo imi-nia juramentu sira ba Jeová, imi-nia Maromak, no kumpre juramentu sira-neʼe hotu,+
Ema hotu neʼebé haleʼu nia, lori sira-nia prezente hodi hamtaʼuk nia.+
12 Nia sei hamoe ukun-naʼin sira neʼebé foti an;
Nia halo liurai sira iha mundu sai taʼuk.